12 beste bøker 2017

Av bøkene eg har lese i år, er dette blant dei beste leseopplevingane! Bøkene er presentert i rekkefølgen eg las dei:

 1) Jon Fosse: Trilogien

Les meir her.

 2) Helga Flatland: Bli hvis du kan

Les meir her.

 3) Edvard Hoem: Land ingen har sett

Les meir her.

 4) Ingunn Røyset: Brevet frå krigen

Les meir her.

 5) Marte Michelet: Den største forbrytelsen

Les meir her.

 6) Eka Kurniawan: Skjønnhet er et sår

Les meir her.

 7) Lars Mæhle: Den stille flokken

Les meir her.

 8) Frida Nilsson: Ishavspirater

Les meir her.

 9) Maria Parr: Keeperen og havet

Les meir her.

 10) Colson Whitehead: Den underjordiske jernbanen

Les meir her.

 11) Elif Shafak: Arkitektens læregutt

Les meir her.

12) Niroz Malek: Slik natten er

Les meir her.

Bøker lest: April 2017

Våren er alltid ei travel tid, då er det godt å kunne koble av litt med ei bok i ny og ne! Denne månaden var bokvala ganske så varierte:

1) Ingunn Røyset: Brevet frå krigen

Ei flott, illustrert bok med handling frå 2. verdskrigen, og korleis denne krigen påverka dagleglivet i Noreg. Les meir her.

2) Harald Rosenløw Eeg: Yatzy

Boka har vore høgtlesingsbok i klassen min denne vinteren, og er ei flott bok om fosterguten Daggi, som prøver å tilpasse seg ein ny familie, samtidig som han har ei tung bør av dårleg samvit for tidlegare hendingar på skuldrene sine.

3) Meg Rosoff: Det jeg vet om deg

Fin ungdomsbok, der hovudpersonen Mila har ein ekstraordinær evne til å tolke andre menneske sine ord og reaksjonar. Les meir her.

4) Lars Mæhle: "Harry og Ivar finn opp krutet" og "Harry og Ivar i Junaited Statesen"

Høgtlesingsbøker for jentene om kveldane. Utruleg festlege bøker!

5) Randall Munroe: What if?

I denne boka finn du svar på ei rekke snodige spørsmål om verda og korleis den heng i hop. Forfattaren, Randall Munroe, jobba tidlegare for Nasa, men starta opp ei nettside der han gir seriøse vitskaplege svar på absurde situasjonar og hendingar. Mange av svara han har gitt på denne nettsida er samla i denne boka, og du kan finne vitskaplege svar på spørsmål som:
- Kva ville skjedd viss jorda plutseleg stoppa å snurre, men atmosfæren fortsatt i same tempo?
- Kva ville skjedd viss du hadde i klinkekule med same massetettleik som ei nøytronstjerne?
- Kor fort ville hava blitt tomme, viss det vart oppretta eit sluk der hava er på det djupaste, og dette sluket var 10 meter i diameter?
- Kva om du plutseleg begynte å stige oppover med ein fart på 1 meter i sekundet. Kva skjer med kroppen då?
Og så vidare. Her er utruleg mange absurde situasjonar presenterte, og Munroe gir seriøse, matematiske og lærerike svar! Du kan besøke nettsida hans her: xkcd.com.

6) Thorvald Steen: Det usynlige biblioteket

Historisk roman om dei siste dagane i Aleksander den stores liv. Les meir her.

7) Erna Osland: Vaken? Ei godnattbok om dyr som ikkje søv om natta

Flott ny faktafiksjonsbok for born. Les meir her.

8) Jon Ewo: Jenta i veikanten

Kort fantasybok berekna for born. Hovudpersonen møter ei mystisk jente i vegkanten, og vert med henne heim til familien hennar. Etterkvart anar han at det er ugler i mosen, men då er det kanskje for seint... Bortsett frå eit par unødvendig skremmande teikningar mot slutten av boka (og som gjer at sarte barn absolutt bør vere litt forsiktige med å lese denne), er det ei interessant bok.

Bøker lest: Mars 2017

Mars månad er for lengst forbi, og her er lista over bøker som vart konsumerte i løpet av månaden:

1) Monica Boracco Borring: Trigger. Denne boka høyrde vi i bilen på veg til Bømlo i vinterferien. Ei spennande bok, retta mot hesteinteresserte tweens.

2) Helga Flatland: Bli hvis du kan (Trilogien). (Les omtale)

3) Lars Mæhle: Jag är supermann! (Les omtale)

4) Gro Dahle: Megzilla (Les omtale)

5) Carolyn Keene: Frøken Detektiv og legenden om klokken. Denne boka høyrde vi i bilen på veg heim att frå vinterferie på Bømlo... Eit kjekt gjensyn med ein gamal helt. Eg slukte ein god del Frøken Detektiv-bøker i løpet av barneskuleåra.

6) Marit Kaldhol: Z for sorry (Les omtale)

7) Edvard Hoem: Land ingen har sett (Les omtale)

8) C.S. Lewis: Legenden om Narnia (Bok 1-7). Dette har vore høgtlesingsbok for Lise denne vinteren, og no kom vi altså til vegs ende. Å reise saman gjennom heile Narnia si historie, frå skaping til undergang, er ei fantastisk oppleving. Bilderikdomen, symbolbruken og dei flotte karakterane gjer denne boka til ei av mine absolutte favorittar. (Og utanom Bibelen, Steingrunnen og Gjenglederen Nicky Cruz, er nok dette den boka eg har lest flest gongar!)

9) Torbjørn Moen: Mannen i prøverommet (Les omtale)

10) Pia Strømstad: Do - ei stinkande reise gjennom bæsjens historie (Les omtale)

Leste bøker: Februar 2017

Det er tid for å gjere opp rekneskap for leste bøker i februar. Det har blitt fleire ungdomsbøker, blant anna den spennande avslutninga på "I morgen er alt mørkt"-trilogien, og den nye, artige boka "Ollis". Denne månaden har eg også lese ein del vaksenlitteratur, der boka "Brevet til Rosalin" var blant dei som gjorde sterkast inntrykk.

Slik ser leselista mi ut, og du kan trykkje på boktitlane om du ynskjer å lese meir om bøkene:

1) Sigbjørn Mostue: I morgen er alt mørkt #3 - Når historien slutter

2) Iben Akerlie: Lars er lol

3) Sabaa Tahir: En glo i asken

4) Ingunn Thon: Ollis

5) Linn T. Sunne: Lett lykkelig

6) J.K. Rowling: Harry Potter og barnets forbannelse

7) Jojo Moyes: Paris for en

8) Ragnar Hovland: Om noko skulle skje

9) Vanessa Diffenbaugh: Blomstenes hemmelige språk

10) Gaute Heivoll: Jeg kommer tilbake i kveld

11) Øystein Orten: Brevet til Rosalin

12) Eirin Gundersen: Du er menneske nå

13) Jeffrey Archer: Men timen kommer

Leste bøker: Desember og januar

Det vart aldri til at eg laga noko oversikt over bøkene eg las i desember. Difor slår eg saman begge månadane, og her er ei liste over det som har blitt "fortært" dei siste to månadane. Dei fleste boktitlane er linkar til nærare omtale.

Holly Black/Cassandra Clare: Kobberhansken

Mette Eike Neerlin: Hest, hest, tiger, tiger

Aina Basso: Ingen må vite

Kenneth Steven: Løynde ting

Ruth Lillegraven: Sigd

Peder A. Tyvand: Darwin 200 år - en festbrems

Marit Kaldhol: Zweet

Martina Gaux: Jeg er ikke

Patrick Ness: Monsteret kommer

Per Olav Kaldestad: Når morgonfrosken syng

Asbjørn Rydland: Galderstjerna

Tyra Teodora Tronstad: Mørket kommer innefra

Torbjørn Moen: Jenta i speilet

John Green/Maureen Johnson/Lauren Myracle: La det snø

Arto Paasilinna: Den ulende mølleren

Guri Sørumsgård Botheim: Heime mellom istidene

Jesse Andrews: Jeg og Earl og jenta som dør

Lars Mæhle: Skoddefyrstens hevn

Robert Louis Stevenson: Skatten på sjørøvarøya

Nathalie Simonsson: Verdas viktigaste bok - om kropp, kjensler og sex

Jens Hansegård: Verdas forsvunne skattar

Tor Arve Røssland: Pode

Lise Forfang Grimnes: Blodskraft

Jon Fosse: Trilogien

Erna Osland: Perlepappaen

Katherine Webb: Den engelske piken


Som du ser, vart det mange barne- og ungdomsbøker desse månadane. Det kjem det også til å bli i tida framover - det har kome ut svært mange gode og spennande ungdomsbøker denne vinteren! Alle bøkene i lista over er gode bøker, og vel anvendt tid å lese. Kanskje finn du nokre som passar for deg også?

Topp ti bøker 2016

Nytt år, nye sjansar til å lese gode bøker! Før eg gir meg i kast med det, er det greit å oppsummere året som gjekk. Den visualiserte leselista mi ser om lag slik ut:

Og av desse må eg seie at dette var dei ti største leseopplevingane (i uprioritert rekkefølgje):

 Edvard Hoem: Slåttekar i Himmelen

 Ian Buruma: År null - en fortelling om 1945

 Carsten Jensen: Den første sten

 PeKå Englund: Født på en søndag

 Sigbjørn Mostue: I morgen er alt mørkt (Både denne første, Brages historie, og nummer to: Marlens historie)

 Arto Paasilinna: Verdens beste bygd

 Amos Oz: Judas

 Elena Ferrante: Historia om det tapte barnet

 Mette Eike Neerlin: Hest, hest, tiger, tiger

Ruth Lillegraven: Sigd

















No er det berre å begynne å glede seg til bøkene som skal lesast i 2017!

Bøker lest: September 2016

Skuleåret er godt i gong, og eg kjenner at tida til å lese vert stadig knappare etter kvart som stilbunkane tikkar inn... Denne månaden hamna fire bøker på leselista mi:

1) Amos Oz: Judas

Amos Oz er ein av mine favorittforfattarar. Han formidlar djupe og kloke tankar på ein lågmælt og jordnær måte, og det er lite som er tilgjort med rollefigurane i bøkene hans. Denne kjensla av å lese om ekte menneske, og den vakre måten å skildre dei på, pregar også den nyaste boka; Judas.

Studenten Shmuel Ash vert tvungen til å avslutte studia, og søker ein stille og tilbaketrekt jobb som samtalepartner for den gamle mannen Gershom Wald. I huset han hamnar i bur også enka Atalja, som Shmuel straks forelskar seg i.

Boka dreier seg rundt den bibelske personen Judas, som Shmuel meiner er misforstått gjennom heile kyrkjehistoria. Parallelt med hans tolkingar, får vi god kjennskap til politikken som låg bak opprettinga av staten Israel. Handlinga i boka er lagt til hausten 1959, og vekslar fint mellom politikk, religion og kjærleik. Ei vakker bok ein kan bli litt klokare av å lese!


2) Bernard Cornwell: Warriors of the storm

Ein annan av mine favorittforfattarar, Bernard Cornwell, gav tidlegare i år ut bok nummer 9 i serien "The Saxon Tales". I serien fyljer vi helten Uhtred of Bebbanburg i kampen hans for å vinne tilbake borga som gjennom generasjonar har tilhøyrt familien hans. Samtidig får vi godt innblikk i korleis England vart samla til eitt rike, og forfattaren let helten vere i spissen for det meste som finst av action i desse viktige åra i Englands historie.

I "Warriors of the storm" kjem ein stor hær av vikingar over havet frå England, og beleirar byen der Æthelflaed, herskerinna over Mercia (vestre, sentrale delar av England) held til. Uhtred må bruke all sin militære kløkt for å prøve å bekjempe hæren, men når han får vite at dottera er truga på livet i Irland, får han plutseleg andre prioriteringar. Prestane er som vanleg ute etter å sverte den hedenske hærføraren, men Æthelflaed har ikkje så mange andre å stole på...

Her er det spenning, militære knep og heltemot frå første til siste side! Det er heller ikkje eit minus at forfattaren lar helten framvise ein god dose ironisk humor.

3) David Levithan: En annen dag

For nokre år sidan gav Levithan ut boka "Hver dag", som skildrar livet til ein person som vaknar opp i ein ny kropp kvar dag. Ikkje to dagar er han på same staden, og han må stadig tilpasse seg nye situasjonar. Denne personen kallar seg sjølv for A. Så skjer det at han forelskar seg i Rhiannon, og ein indre og ytre kamp for å kunne vere nær henne vert sett i gong.

I denne nye boka, "En annen dag", fortel Levithan den same kjærleikshistoria, men denne gongen frå Rhiannon sin synsvinkel. Og dette er verkeleg ei bok verdt å lese! Den tek opp viktige spørsmål, som: Kvifor vel nokon å bli verande i destruktive forhold? Kan ein lausrive nokon sin personlegdom frå korleis dei ser ut? Kor stor rolle spelar kjønn inn på personlegdomen?

Sjølv om vi som har lese "Hver dag" veit korleis boka vil ende, er Rhiannon sin indre kamp ein heilt annan enn A sin, og derfor er dette ei heilt annan type bok. Levithan har funne ein god måte å diskutere store spørsmål knytta til seksualitet, identitet og korleis vi møter andre menneske!

4) Andrea Bræin Hovig: Vanessa Svartmo

Vanessa har havna i ei samtalegruppe for ungdomar som ikkje har det så lett på skulen. Under leiing av den mildt sagt eksentriske sosiallæraren Brit Jørstad Moen (BJM), får dei fire ungdomane utfordringar som skal bringe dei ut av det dårlege mønsteret dei er komne inn i. Spørsmålet er om det hjelper...

For Vanessa sin del er livet vanskeleg på heimebane. Etter at veslebroren døydde og foreldrene skilte lag, har ho og mora flytta fleire gongar, og mora sin psykiske tilstand går opp og ned i periodar. I det boka startar er mora inne i ein svært langvarig dårleg periode, der ho for det meste berre ligg på sofaen. Vanessa byrjar å skrive dagbok, for å finne ein plass ho kan dele kjenslene sine. Utanfor leiligheita heime er ho nemleg vennelaus, og har problem med sosiale forhold.

Så hamnar ho altså i gruppa til BJM, og dei vert dregne med på både kafé, telttur og teater, og det byrjar å skje ting i livet til Vanessa. Spørsmålet er berre om det er til det betre...

Ei svært morsom og samtidig svært sår bok om det å ikkje passe inn. Språket i boka er dessverre prega av mykje bannord.

Bøker lest: Juni og juli 2016

Det er særleg ungdomsbøkene som har sett sitt preg på lesinga mi i sommar, i tillegg til ein koloss av ei debutbok som eg brukte nesten heile juli på å lese... Her er leselista mi for juni og juli:

 1) Levi Henriksen: Så lenge himmelen er over jorda

Hovudpersonen Ruben skal snart dø, og har berre eitt stort mål: Å bli saman med Alona og reise til Danmark saman med henne. Boka er ei rørande og fin forteljing om det å våge å setje draumar ut i livet medan ein kan. Med på reisa får vi ein god del refleksjon og filosofi om det å leve, å våge å vise kjærleik, ærlegdom og mot.

Ei fin historie!








2) James Frey/Nils Johnson-Shelton: Kallet (Endgame bok 1)

Dette er ein actionfylt dystopi (a la Hunger Games) iblanda ein god dose magi (a la Strandberg og Elfgren sin 'Sirkelen'-trilogi).

All den tida menneska har levd på jorda, har ein del utvalgt slekter (sjølvsagt i løyndom) valt ut og trent 'spelarar'. Kvar av slektene har til ei kvar tid hatt ein 'spelar', som må vere mellom 13 og 19 år, tilgjengeleg. Når ein er blitt for gamal, kjem ein ny og tek over. Dette er ungdomar som lever doble liv: Eit vanleg, der dei møter vener på skulen, og eit skjult, der dei trenar og vert lært opp til omsynslause mordarar. Alle slektene held spelarar klare og ventar på det store spelet - Endgame.

I boka vert spelarane samla, og spelet som skal avgjere framtida til heile jordas befolkning vert sett i gong. Her er det kvar spelar for seg. Likevel vert det inngått alliansar, og etter kvart oppdagar dei at ikkje alt vert slik dei hadde trudd på førehand...

Boka blandar psykologi, teknologi og magi til ei svært spennande forteljing, og er starten på ein trilogi.

 3) Guro Hoftun Gjestad: Ord på S

'Ord på S' er ei alvorstung bok, og det gjennomgripande temaet er sorg. Mora til Sun flytta ut av landet alt då ho var lita, og saknet etter henne har alltid vore til stades. Etter dette har Sun og faren, samt bestemora i nabohuset, halde saman, .

Så ein dag dett faren ned frå den høge heisekranen han jobbar i, og Sun står på bar bakke. Sorga over faren, lengten etter mora og alle tankane som kjem og går i hovudet til ein tenåring fører forteljinga framover.

På toppen av det heile vert Sun forelska - midt i sorga.

Sjølv om tema i boka er sorg og sakn, gir forelskinga og Sun si naturlege ungdommmelege forvirring nok pusterom til at boka vert grei å lese!

 4) Jon Ewo: 1992

Tenk om... Sovjetunionen aldri trakk seg ut av Norge etter 2. verdskrigen, men i staden oppretta ein sosialistisk stat? Dette er bakteppet for boka 1992. Det er to år sidan Sovjetunionen gjekk i oppløysing, og det norske samfunnet er i ein post-kommunistisk tilstand. Overvakingspolitiet har fortsatt eit hardt grep om landet, og det foregår mykje som personar høgt oppe i systemet ynskjer å halde hemmeleg.

Hovudpersonane Irina og Karl må frakte eit hemmeleg dokument frå Narvik til hovudstaden, Stavanger. Etter seg har dei Anders Jedde, leiaren for det hemmelege politiet, som har alt å tape om dokumenta kjem fram. Det er ikkje godt å vite kven som er ven eller fiende, og kven ein verkeleg kan stole på langs vegen.

Dette er tredje boka i Norge-trilogien, og ei spennande forteljing!


5) Ingeborg Arvola: Ryktet

Skumring-serien inneheld lettleste ungdomsbøker med mykje handling. Slik er det også her. Her er mykje ytre spenning, men i denne boka skjer det også ein del på det indre planet.

Ryktet går om at Nika har stelt kjæresten til Anette K, og Anette K planlegg hemn. Kvardagen til Nika vert svært vanskeleg, der ho har mobbinga og truslane frå Anette K på den eine sida, og redsla for at storebroren skal få vite om kva som skjer på den andre. For storebroren kan vere valdeleg. Svært valdeleg. Kven veit kva som vil skje viss han får greie på at ho vert plaga?

Ei spennande og lettlest forteljing!




6) Sigbjørn Mostue: I morgen er alt mørkt - Brages historie + Marlens historie

Sigbjørn Mostue sin nye dystopi-serie har blitt svært populær blant unge lesarar, og det er lett å forstå kvifor. Dette er mørkt, spennande og uforutsigbart! Ingenting er gitt på førehand, og ingen av personane i bøkene er trygge.

Ein ny pandemisk sjukdom, med ukjent smittekjelde, forvandlar vanlege menneske til sinte og livsfarlege drapsmaskiner. Kven som helst kan bli smitta, kven som helst av dei du møter kan vere smitta. I tillegg finst det menneske som veit å utnytte seg av dei generelle kaostilstandane. Her er det berre ein ting å gjere: Komme seg unna! Men er det mogleg?

7) Anders Totland: Engel i snøen

Handlinga i boka foregår på kreftavdelinga på eit sjukehus. Hovudpersonen vert kjent med andre barn på avdelinga. Somme av dei får reise heim att, andre døyr. Sjølv vert han stadig svakare, men ynskjer å skjule det for faren.

Dette er rett og slett ei vakker bok om sjukdom og død. Språket er poetisk og lett, og mykje kan, og må, lesast mellom linjene.








7) Astrid Lindgren: Alle vi barna i bakkebygrenda

Dette har vore høgtlesingsbok for jentene nokre veker i sommar, og Lindgren sine forteljingar fenger! Alle påfunna til dei seks venene i Bakkebygrenda er god underhaldning.












8) Sverre Knudsen: Aaron hevn

Oppfølgjaren til 'Aaarons maskin' fortset med same intensitet og spenning, og universet Knudsen har skapt i bøkene er svært fascinerande!

I framtidssamfunnet, der den geniale oppfinnaren Julian Liberman sine maskiner vert misbrukt av styresmaktene, vert menneska heldt i eit jerngrep. Alt som tel for det store selskapet som styrer er å tene pengar, og dei går ikkje av vegen for verken terror, krig eller overvaking for å få viljen sin gjennom.

Aaron si mor ligg i koma, og Aaron held ein heller låg profil. Men når faren hans vert offer for selskapet sitt kyniske spel, legg han ut på ei reise for å stoppe leiarane, få mora tilbake og samtidig få sin rettferdige hevn.

Dette er ei godt komponert forteljinga, og bok nummer to i trilogien om Aaron.

9) Sally Gardner: Markspist måne

Dette er ei lettlest og lett tilgjengeleg forteljing, men det tek likevel lang tid før ein får oversikt over kva det eigentleg er som skjer. Hovudpersonen Standish bur i eit totalitært og utbomba samfunn, og styresmaktene undertrykker alle som ikkje innordnar seg.

Standish og kameraten Hector finn ut ting om regimet dei ikkje skulle visst, og er i ferd med å avsløre århundrets bløff. Spørsmålet er berre korleis dei skal klare å stoppe myndighetene?

Hovudpersonen har dysleksi, og klarer ikkje å lære så mykje som dei andre i klassen. Lærarane reknar han som dum, men er han eigentleg så dum som dei vil ha det til?

Ein original og fantasifull dystopi!

10) Garth Risk Hallberg: En by i brann

Dette er Hallberg sin debutroman, og med sine 940 sider er det litt av ein koloss.

Utgangspunktet er "the New York blackout" 13. juli 1977. Vi fyljer ei rekke personar i tida før denne hendinga. Boka startar med eit mordforsøk, og gradvis vert det avslørt kva som skjedde, kven som var innblanda og kvifor dette skjedde.

Det er eit rikt persongalleri i boka, og gjennom forteljinga, som hoppar att og fram i tid, vert historia pusla saman som eit puslespel. For eksempel kan den same hendinga bli fortalt fleire gonger på ulike stader i boka, men frå ulike personar sine synsvinklar. Dermed får vi eit stadig meir komplett bilde av kva som eigentleg skjedde. Og stadig, gjennom historia, tenkte eg: Å ja, var det slik det var...!

Det er ei storslått forteljing Hallberg har gitt oss her, og passar for alle som likar mysterier, psykologiske skildringar og ikkje er redd for tjukke bøker...

Bøker lest: Mai 2016

Bøkene frå mai kan tematisk oppsummerast med tre ord: Krig, flukt og oppvekst. Her er leselista:

 1) Carsten Jensen: Den første sten

Omslagsbildet til boka seier eigentleg mykje om innhaldet: Eit persisk teppe, der ulike typar våpen utgjer mønsteret. I boka vert vi kjent med ein dansk tropp i Afghanistan. Dei er sent ut for å skape demokrati og verne om freden, men opplever at det ikkje alltid er så lett å avgjere kva som er rett og galt i møtet med ein framand kultur, eit land prega av tiår med krig og så mange ulike interesser at det er vanskeleg å halde oversikten. Når dei då i tillegg opplever at ein av deira eigne svik dei, vert dei ført inn i eit uoversiktleg "spel" med livet som innsats.

Dette er ei svært spennande bok, og handlinga tek stadig nye og uventa vendingar. Undervegs får eg som lesar eit litt meir nyansert bilde av konflikta i Afghanistan, og kor vanskeleg det eigentleg er å avgjere kven som er ven og kven som er fiende. Så dette er både ei lærerik og svært dramatisk bok!


2) Jan Ove Ekeberg: Den siste vikingkongen - Krigens læregutt

I denne boka møter vi den aller siste, norske vikingkongen; Harald Hardråde. Han var halvbror til Olav den Heilage, og vi kjem inn i historia ei tid før slaget ved Stiklestad. Olav må rømme austover, til Russland, og Harald, som er 13 år, vert sendt frå heimgarden saman med Rane Kongsfostre. Det er den same Rane som lærte Olav opp til å bli ein god krigar.

I boka kan vi fylgje korleis Harald endrar karakter, frå å vere ein villstyrig gut på heimgarden, til å slåss i hæren til Olav den Heilage på Stiklestad.

Det er først og fremst ei underhaldande bok, men lesaren kan også plukke med seg ei god dose historiekunnskap. Er du interessert i den norske kongesagaen, men tykkjer Snorre vert litt tung å lese, er Ekeberg sine historiske romanar absolutt å anbefale!

 3) PeKå Englund: Født på en søndag

I denne flotte oppvekstromanen er det merkevarekonsulenten Jalle som har hovudrolla. I godt vaksen alder vert han kjent med og kjærast med den nye stjerna på operaen i Stockholm; Hanna Kjøle. I møte med hennar veremåte, vert minner frå barndomen vekt, og historia vekslar mellom notid og fortid, heilt til dei to historiene møtes.

Jalle har ei mor som er misfornøgd med det meste i livet, og humøret kan snu på sekundet. Guten har difor måtte legge seg til vasstette strategiar for at ting ikkje skal gå galt. Heile personlegdomen hans vert prega av at han heile tida må vere på tå hev. Det som bergar han, er mora sin nye kjæraste: Sten. Han skapar ei frisone på arbeidsplassen sin, og Jalle vert introdusert for opera, fotball (og det er berre Stoke City som gjeld) og ikkje minst teikneserialbuma om Tintin.

Dette er rett og slett ei vakker bok, med lun humor og ein alvorleg undertone.

 4) Flukt

Dette er ei prosjektbok, der bidragsytarane gjer alt pro bono, det vil seie utan vederlag, og alle inntekter går til ei god sak. I dette tilfelle å hjelpe menneske som er nettopp på flukt.

Boka består av ei rekke portrett, der vi vert kjent med ulike historier om flukt. Her er intervju med personar som flykta til Sverige under 2. verdskrigen, Vietnamesiske båtflyktningar frå 60-/70-talet, flyktningar frå Balkan på 90-talet og Irak og Syria i nyare tid. Blant anna. Det er ei rekke interessante historier, som gir eit meir nyansert bilde av den store menneskemengda som i dag må flykte frå heimlanda sine. Det er ikkje berre tal og statistikk; der er enkeltmenneske med kvar si heilt unike historier.

Boka er eit fint bidrag til å skape litt større perspektiv over det som skjer i verda i dag.


5) Tor Arve Røssland: Snatch

Både Henrik og Martin treng pengar. Helst mange, og helst så raskt som råd. Martin har gjort hærverk i fylla, og tør ikkje innrømme dette til foreldrene sine. Han treng difor pengar til å betale bota. Henrik vil gjerne gje søstra Sarah eit betre liv, eit liv den alkoholiserte mora ikkje kan gje henne.

Løysinga på problemet er temmeleg desperat: Dei kidnappar Henriette, veninna til Sarah. Henrik veit at foreldrene hennar er søkkrike.

Det kjem vel ikkje overraskande på nokon når eg skriv at ikkje alt går heilt slik dei to gutane hadde tenkt... Og slutten er både overraskande og snedig!

Dette er ei intens og lettlest ungdomsbok i skumring-serien.


6) Vanessa Diffenbaugh: Vi ba aldri om vinger

Alex veks opp i eit fattig område i Sør-California. Det er besteforeldrene som heile vegen har teke ansvar for han og søstra, men når besteforeldrene flyttar attende til Mexico, vert mora tvungen til å ta grep om livet sitt. I løpet av boka går mora gjennom ei stor, men samtidig truverdig, karakterendring; frå å vere distansert til å bli ei ansvarsfull mor.

Livet tek endå nye vendingar for Alex: Han får møte faren sin, startar på ny skule og vert kjærast med Yesenia. Problemet er at Yesenia går på ein annan skule, der ho vert plaga av medelevane sine. Alex prøver å rydde opp, med uante konsekvensar.

Ei spennande og flott skrive bok. Både danningsreisa til mora, og fokuset på problema ved å leve som papirlaus i USA, gjer dette til ei interessant bok.



7) Harald Rosenløw Eeg: Yatzy

Dette har vore høgtlesingsbok i 10. klasse dette året, og denne månaden var vi ferdig med den. No spørs det berre om dei kjem opp til eksamen og får sjanse til å snakke om boka og filmen der...

Daggi kjem til ny fosterfamilie, og har med seg ei god dose frykt og minner i bagasjen. Undervegs i boka får vi glimt tilbake til fortida hans, og vi forstår etter kvart at dårleg samvit kanskje er den dominerande kjensla. Han kompenserar ved å spele råtøff, både ovanfor fosterforeldrene og broren, lærarar og medelevar.

Samtidig som Daggi er tøff og tilsynelatande likegyldig med det som skjer rundt han, møter vi også mjukare sider. Han vert forelska i Gloria, og dei vert etter kvart kjærastar. Han viser også omsorg for familiekatten Rambo. Heile vegen er det noko som plagar og gneg på samvitet hans, og til slutt går det nesten galt.

Ei spennande ungdomsbok, men for mange kan handlinga vere litt vanskeleg å få tak på. Det er mange ting som må tolkast ut av små hint og samanhengen det vert fortalt i, så boka passar nok best for ungdomar som er glad i å lese.