Inn porten

som ein varmesøkande rakett

pendlar hjartet seg inn

mot det som er heilt

ekte

vare

bomtreffa er mange

og såre –

berre sjå desse arra

på kryss og tvers over sjela mi

men eg bryr meg ikkje lenger

for alt det der er over, ferdig

finito

i det eg fann den opne porten,

den som førte meg inn i tryggleiken

bleikna alt anna bort

no er det berre Jesus, her

berre Han og berre Han

og berre i Han

finn hjartet sitt svar på lengten

Joh 10,9: Eg er porten. Den som går inn gjennom meg, skal bli frelst og fritt gå inn og ut og finna beite.