Byen på fjellet

det synlege og det usynlege

bur saman        på dette fjellet –

ferdamenn, langt borte

ser mot fjellet

der bymurane strekk seg mot himmelen

og gatene glitrar        nyvaska

i eit stadig tilbakevendande regn

så er det sanning, dette

seier dei til kvarandre;

det er verkeleg ein by på fjellet

dei lest å vere likesæle

men når natta sig på

er det ein som gløttar på auga

og legg i veg        med kursen sett

mot den underlege byen på fjellet –

Matt 5,14: De er lyset i verda! Ein by som ligg på eit fjell, kan ikkje gøymast.