Eit lys bak horisonten

det som ventar

som ein skinande skatt

der framme

det me lengtar etter

i søvnlause netter;

i dagar under åket

det du kviskrar til hjarta våre

når verda rasar saman

og ordet er alt me har att –

det – berre det – kan vere

eit ankerfeste

for gleda i djupet av hjartet

Joh 16,22b: No er de fylte av sorg, men eg skal sjå dykk att, og hjartet dykkar skal gleda seg, og den gleda skal ingen ta ifrå dykk.