Gjetarguten #5: Fred på jorda

eit stille band

av snadrande maskingeværkuler

dumpe smell

eld og røyk

steinar og murstein

som fyk

eg er fuglen

i dette spelet

den som svevar høgt her oppe

i stille sus av vind

langt der nede

døyr menneske som sporvar

eg høyrer englesongen

og ynskjer å tru det

ynskjer å sjå det

vere ein bit av draumen

eg nynnar melodien

glir på vinden

gjer det eg kan

- at det skal bli sant

Gjetarguten #4: Gloria

musikken

kor han smeltar

mot øyra

legg seg som eit silketeppe

over landskapet

let oss vandre

på gater av gull

i denne parentesen i æva

vakre tonar

som blomar i ei blomeeng

fykande gjennom lufta

landar på bakken

mellom fryktsame sauer

eg stirrar

lyttar

let meg føre av garde

på vengjer av eld

Gjetarguten #3: Lys

eit brot i nattebildet

stille sprakande

ut frå tomrommet

over det heile

eit lysglimt

refleksjonar

i tause saueauge

stadig veksande

inn i mørket

ut av ingenting

stig eit omriss

av lys

eg blunkar mot stjernene

kan ikkje tru det

legg tvilen som eit filter

framfor auga

trakkar meg sjølv på foten

hardt

innser

eg er vaken