Finne sin heim

krype ut av skalet

plante eit frø

i nypløgd jord

sjå kor greinene strekk seg

mot ein umogleg blåfarge

felle ei tåre

sjå dråpen falle gjennom lufta

lande på fjellgrunn

verte knust i tusen bitar

lyfte blikket under stjernene

sjå blåfargen henge som eit banner

frå skjelvande greiner

kjenne ankeret finne feste

gå inn i sin nye heim

i skuggen av eit anna tre



Kol 1, 27:  Gud ville kunngjera for dei kor rikt på herlegdom dette mysteriet er for folkeslaga: Kristus er mellom dykk, håpet om herlegdomen!