Livline

så er det ingen som ser

blomen som vaks av frøet

på innsida av hjartet –

men røtene strekk seg

gjennom blod, gjennom kjøt

søker sine kjelder

utanfor kroppen – strekk seg

vidare utover, vidare oppover

snor seg om korset, tøyer sine stenglar

inn i ei grav

drikk av vinen, drikk av brødet

drikk av vatnet som renn

frå sida til denne mannen, denne Jesus –

og blomen er skjult

men du kan følgje kvar stengel

kvart rotskot – som ei livline

heilt dit ditt eige frø er å finne –

Matt 5, 14: 
De er lyset i verda! Ein by som ligg på eit fjell, kan ikkje gøymast.