Hjartets teokrati

du banka på

og hadde banka så veldig lenge

til slutt opna eg døra

med eit sukk

men vart straks overvelda

av musikken og det fargerike toget

som kom syngande inn

            gjennom gatene i byen min

og eg måpa

med vidopne auge og bankande hjarte

og spirer av noko nytt vaks fram;

så blanke og skinande og vakre gatene er

der du har passert på eselryggen!

og du stoppa framfor meg

møtte auga mine – eg kjende varmen

som frå ei sol

då du sa:

eg ynskjer å sitje på den trona

og eg stotra fram eit ja

og ver så god

og såg deg setje deg ned

– alle bitane fall på plass

ein ny ro senka seg over byen min

og eg kunne endeleg sove trygt

sjølv med opne portar mot verda

Sak 9,9: 
          Bryt ut i jubel, dotter Sion!
          Rop av glede, dotter Jerusalem!
          Sjå, kongen din kjem til deg,
          rettferdig og rik på siger,
          fattig er han og rid på eit esel,
          på ein eselfole.