Gjetarguten #12: Krubba

farfar skar ned bjørka

bak huset – kvista det

barka og høvla

til sist skar han plankar

i lengda – høvla dei

glatte og beine

så saga han opp

passe lengder – teikna

ei skisse på ark

og snekra og spikra

alt saman – til sist

stod alt klart

på golvet i stallen

ei krubbe! – og dyra

dei flokka seg rundt

men i dag er alt dette

fortid – krubba ber no

ei heilt anna last

eit barn mellom høyet

og blankhøvla plank – ligg og søv;

ein dyrebar skatt på jorda