Det du ynskjer det du treng

når du går langs denne vegen

i nattemørket

med bind for auga

og sjølvsikre steg

er det ikkje nødvendigvis

heiarop du treng

når du er meter frå        stupet

det kan vere at eit rop

med såpass ramsalt og treffande

kritikk       at du tek den på alvor

og snur       er einaste rette medisin –

Ordt 6,23a: For bodet er ei lykt og rettleiinga eit lys, formaning og tilrettevising er vegen til livet.