Tablå

1

det er eit sørgjeleg syn

eit tragisk bilde;

eg høyrer lyden av slipte knivar

og lammet, i midten – eit offer

rundt står det vanlege menneske,

groteske i alt sitt uvit

2

det er eit skremmande syn

eit svartmalt bilde;

eg ser blodet på marka, og smerta

som eit andelaust klynk i mørket

rundt står det vanlege menneske,

tafatte i all sin udåd

3

det er eit mektig syn

eit hittil ukjent tablå;

eit lam fell tungt mot jorda,

ei løve stig fram i morgongryet

rundt står det vanlege menneske;

gjennom døden gjekk vegen til livet




Joh 1, 36: Då såg han Jesus koma gåande og sa: «Sjå, der er Guds lam!»