søndag 26. april 2015

Møte det nye

vi kjente ei rørsle i bakken
ei svak rumling
frå noko ukjent

såg kvarandre i auga,
såg tvilen som vaks
bak vide pupillar

        kunne det vere
        at det er
        noko meir, noko usett -

        for auga er ikkje mette
        ikkje endå, på langt nær
        og opne for erkjenningar

        kanskje er det
        at noko nytt, umerkeleg
        veks i den skrinne hjarterota -

og vi stogga, slo leir
venta med tomme hender,
klare til å møte det nye


1 kommentar: