Tre vismenn, ein stall og ei stjerne #9

det er drivkrefter i bestemte sinn,

tre tenkande vesen

med målet for reisa plotta inn

ikkje som geografiske punkt på eit kart

eller tankar om korleis det vert

når reisa omsider tek slutt;

meir som ei visse om noko stort,

at der er noko der framme

som er verdt å nå

og bestemte sinn pressar kroppen

gjennom glovarme dagar, ausande regn

netter av kulde og snø

for målet er ukjent, men likevel synleg

som eit lysande tempel

for det indre auget